கட்டுமான பொருட்களின் விலைஉயர்வு மற்றும் கட்டுமான தொழிலாளர்களின் கூலிஉயர்வு ஆகியவை வீட்டுவசதியை மக்கள் பெறுவதைக் கடினமாக்குகின்றன. இதன் விளைவாக ஆண்டுதோறும் வீடற்றோரின் எண்ணிக்கை பெருகி வருகிறது. 12 ஆவது ஐந்தாண்டு திட்டத்திற்காக அமைக்கப்பட்ட இந்தியாவில் ஊரக வீட்டு வசதி என்ற கருப்பொருள் மீதான பணிக்குழுவின் அறிக்கையின்படி, 4.1 மில்லியன் குடும்பங்கள் வீடற்றவையாக உள்ளன. இக்குழுவின் மதிப்பீட்டின்படி 2012-13 ஆம் ஆண்டில் மொத்த வீட்டு வசதித் தேவை 43.67  மில்லியனாக உள்ளது.

தமிழ்நாட்டில், மக்களின் வீட்டுவசதி மற்றும் வாழும் நிலை ஆகியவற்றை மேம்படுத்திட, இந்திராஆவாஸ்யோஜனா மற்றும் சூரியசக்தியால் இயங்கும் முதலமைச்சரின் வீட்டு வசதி திட்டம் ஆகியவை செயல்படுத்தப்படுகின்றன. இத்திட்டத்தின் கீழ், தேவையுள்ள மக்களுக்கு வீடுகள் திட்டமிட்டு வடிவமைக்கப்பட்டு கட்டித் தரப்படுகின்றன.

மாநில அரசால் வீட்டு வசதி தேவைகள் மதிப்பிடப்படுகின்றன. ஏற்கனவே செயல்படுத்தப்படும் திட்டங்கள் வீட்டு வசதி தேவைகளைத் திறம்பட நிறைவு செய்யும் பொருட்டு தேவைக்கேற்ப மாற்றியமைக்கப்படுகின்றன. இச்சூழ்நிலையில், ஊரக வீட்டு வசதி திட்டங்கள் ஏற்படுத்திய விளைவுகளைப் பற்றி அறிய ஆய்வுமேற்கொள்ளப்பட்டது.

இந்த ஆய்வின் நோக்கம், இத்திட்டங்களை செயல்படுத்தும் வழிமுறை, கட்டப்பட்ட வீடுகளின்தரம், செலவு குறைந்த தொழில்நுட்பம் ஆகியவற்றை ஆய்வு செய்வதும் முதல்வரின் சூரியசக்தியால் இயங்கும் பசுமை வீடு திட்டம் மற்றும் இந்திரா ஆவாஸ் யோஜனா ஆகியவற்றின் சமூக-பொருளாதாரதாக்கத்தை மதிப்பிடுவதும் ஆகும். இவ்வாய்வு அரியலூர், கடலூர், திண்டுக்கல், சேலம் மற்றும் திருநெல்வேலி ஆகிய ஐந்து தெரிவு செய்யப்பட்ட மாவட்டங்களில் நடத்தப்பட்டது. 

தேசிய ஆண்டு சராசரி மழையளவு 1170 மி.மீ.க்கு ஆகும். ஆனால், தமிழ்நாட்டின் சராசரி ஆண்டு மழையளவு 925 மி.மீ. எனவே, நீர்ப்பாசனம், குடிநீர், வீடு மற்றும் தொழில் உள்ளிட்ட இதர பயன்பாடுகளுக்கான நன்னீர் ஆதாரங்களின் தேவையை பூர்த்தி செய்ய வடகிழக்கு பருவமழை மற்றும் தென்மேற்கு பருவமழையை நம்பியே உள்ள தமிழ்நாடு,  . நீர் பற்றாக்குறை உள்ள மாநிலமாகும். எனவே, நீராதாரங்களை பாதுகாத்தலும்  வீடுகளுக்கு குடிநீரை வழங்குவதன் மூலம் அரசியலமைப்பில் உள்ள “வாழ்வதற்கான உரிமையை” நிறைவேற்றுவதும் மாநில அரசின் முதன்மையான நோக்கமாக உள்ளது.

கிராம பஞ்சாயத்துகளுக்கும் கிராமப்புற குடியிருப்புகளில் உள்ள தனிநபர் வீடுகளுக்கும் குழாய்க்குடிநீர் வழங்குவது  என்பது நிதி ஆதாரங்கள், வளங்குன்றா நீராதாரம், குழாய்க்குடிநீர் பெறுவதற்கு  தனிப்பட்ட குடும்பங்கள் செலுத்தும் கட்டணம் போன்ற பல காரணிகளைச் சார்ந்துள்ளது. கிராமப்புறங்களில் வசிப்பவர்கள், கிராம பஞ்சாயத்துகளால் வழங்கப்படும் குழாய்க்குடிநீரை பெறுவதில் இடர்களை எதிர்கொள்கின்றனர். 

கிராமப்புறங்களில் குழாய்க்குடிநீர் வழங்கலை 100% உறுதிப்படுத்த பல திட்டங்கள் உணள்ளதோடு, நிதி ஒதுக்கீடுகளும் பயன்படுத்தப்பட்டது. இச்சூழ்நிலையில், கிராமப்புறங்களில் குழாய்க்குடிநீரைப்  பயன்படுத்துவதில் உள்ள திறன் மற்றும் ஆதார நிலைத்தன்மை குறித்து ஓர் ஆழமான  ஒருங்கிணைந்த ஆய்வு நடத்தப்பட்டு அறிக்கை தயாரிக்கப்பட்டது.