நலத்திற்கான சவால்களுடன் தொடர்புடையது. தாய்மை பராமரிப்பில் சுதந்திரத்திற்குப் பிறகு குறிப்பிடத்தக்க முன்னேற்றம் இருந்தபோதிலும், நமது தேசம் அடிப்படை சுகாதார கட்டமைப்புகளில், குறிப்பாக தாய் மற்றும் குழந்தைகளின் ஆரோக்கியத்தில் பற்றாக்குறையாகவே உள்ளது. சமூகத்தில் நிலவி வரும் பழக்கவழக்கம் மற்றும் முன்னேற்றங்கள்  தாய் மற்றும் புதிதாகப் பிறக்கும் குழந்தைகளின் ஆரோக்கியம் மீது சிக்கலான முறையில் இணைக்கப்பட்டுள்ளன, பாதிக்கிறது. தாய்வழி ஆரோக்கியம் மற்றும் குழந்தைகளின் வளர்ப்பு ஒன்றோடொன்று இணைக்கப்பட ஒரு முக்கிய காரணி வறுமை. பல மகப்பேறு சிக்கல்கள் கணிக்க முடியாதவை என்றாலும், பயனுள்ள உயர்தர தாய்வழி சுகாதார சேவைகளை சரியான நேரத்தில் அணுகுவது இறப்பு விகிதங்களைக் கணிசமாகக் குறைக்கும். பிரசவ செயல்முறை முழுவதும் திறமையான கவனிப்பு பெண்கள் மற்றும் புதிதாகப் பிறந்த குழந்தைகளின் உயிரைக் காப்பாற்றுவதற்கு முக்கியமானது. மாநிலத் திட்டக்குழுவின் துணைத் தலைவர் தலைமையில் கூட்டப்பட்ட இந்த பயிலரங்கம், தமிழ்நாட்டில் தாய் மற்றும் பச்சிளம் குழந்தைகளின் ஆரோக்கியம் தொடர்பான மேலாண்மை நடைமுறைகளைப் பற்றிய நுண்ணறிவுகளைப் பெறுவதை நோக்கமாகக் கொண்டது. தாய் மற்றும் குழந்தை ஆரோக்கியத்தில் நிபுணத்துவம் பெற்ற வள நபர்கள் தங்கள் அறிவைப் பகிர்ந்து கொண்டனர், தாய் மற்றும் குழந்தை ஆரோக்கியத்தில் ஏற்படும் சிக்கல்கள் மற்றும் இறப்பு நிகழ்வுகளைத் தடுக்கவும் குறைக்கவும் தேவையான உத்திகளை வழங்கினர்.

முறையில்  மறைமுகமான விளைவுகளுடன் மாற்றத்திற்கு உட்பட்டது. 19 ஆம் நூற்றாண்டில் பரவியிருந்த பல நோய்களை ஒழிப்பதில் மருத்துவம் குறிப்பிடத்தக்க முன்னேற்றங்களைச் செய்திருந்தாலும், தற்போதைய தலைமுறையின் “வாழ்க்கை முறை நோய்கள்” புதிய சுகாதார சவால்களை எதிர்கொள்கிறது. நவீன வளர்ச்சியுடன் கூடிய வேகமான வாழ்க்கை முறையால் எழும் இந்த வியாதிகள், தற்போதைய சூழலில்  ஆரோக்கியத்திற்கு பெரும் அச்சுறுத்தலாக வெளிப்பட்டுள்ளன. நவீன மருத்துவத்தால் கணிசமான முன்னேற்றம் இருந்தபோதிலும், பரிந்துரைக்கப்படும் மருந்துகள் சில முரண்பாடுகளை கொண்டுள்ளன அவைகள் பக்க விளைவுகளுக்கு வழிவகுக்கவும் செய்கின்றன. இதன் விளைவாக, வாழ்க்கைமுறைக் கோளாறுகளுக்கு சிகிச்சையளிப்பதை எதிர்நோக்கி மூலிகை வைத்தியங்களில் உலகளாவிய ஆர்வம் அதிகரித்து வருகிறது. இந்தியா, அதன் வளமான மருத்துவ பாரம்பரியத்துடன், ஆரோக்கியம் பற்றிய பாரம்பரிய அறிவைக் கொண்டுள்ளது. ஆயுஷ் (ஆயுர்வேதம், யோகா மற்றும் இயற்கை மருத்துவம், யுனானி, சித்தா, மற்றும் ஹோமியோபதி) முறைகள், கால காலமாக பயண்படுத்தப்பட்டு சோதனை செய்யப்பட்டதன்  முறைகளில் ஆழமாக வேரூன்றி, நவீன மருந்துகளின் பக்க விளைவுகளைத் தணிக்க சில நேரங்களில் துணைப் பொருட்களாகப் பயன்படுத்தப்படுகின்றன. வாழ்க்கை முறை சீர்குலைவுகளை நிவர்த்தி செய்வதில் ஆயுஷ் அமைப்புகள் முக்கிய பங்கு வகிக்கின்றன, ஏனெனில் அவை நோய்களை குணப்படுத்துவது மட்டுமல்லாமல் தடுப்பு நடவடிக்கைகளையும் வழங்குகின்றன. இந்த பாரம்பரிய அமைப்புகளின் முக்கியத்துவத்தை உணர்ந்து, தமிழ் நாடு மாநில திட்டக்குழுவில் துணைத் தலைவர் தலைமையில் ஒரு பயிலரங்கம் ஏற்பாடு செய்யப்பட்டது. ஆயுஷ் களத்தைச் சேர்ந்த வளவாளர்கள், வாழ்க்கைமுறை நோய்கள், பிரச்சனையின் அளவு மற்றும் அவை ஏற்படுவதற்கான காரணங்கள் தொடர்பான பல்வேறு அம்சங்களைப் பற்றிய அவர்தம் நுண்ணறிவைப் பகிர்ந்து கொண்டனர், மேலும் இந்த சுகாதார சவால்களை எதிர்த்துப் போராடுவதற்கு மதிப்புமிக்க உள்ளீடுகளை வழங்கினர்.

அதிகரித்து வரும் மருத்துவச் செலவுகல் முதியவர்கள் தங்கள் ஆரோக்கியத்தை திறம்பட நிர்வகிப்பதில் தடையாக உள்ளது. குறிப்பிட்ட விதிமுறைகள் மற்றும் நிபந்தனைகளுக்கு உட்பட்டு, எதிர்பாராத உடல்நலப் பிரச்சினைகல் ஏற்படும்போது மருத்துவமனையில் சேர்த்து அதனால் ஏற்படும் செலவினங்களுக்குத் திருப்பிச் செலுத்தும் வகையில், உடல்நலக் காப்பீட்டுக் கொள்கைகள் முக்கியப் பங்கு வகிக்கின்றன. பலரால் கூடுதல் செலவாகக் கருதப்பட்டாலும், சுகாதாரக் காப்பீட்டின் முதலீடு என்பது தரமான மருத்துவப் பராமரிப்பை அனைவருக்கும் எட்டக்கூடிய வகையில் கொண்டு வருவதற்கான ஒரு வழியாகும். அதிக மருத்துவச் செலவுகளைத் தாங்கிக்கொள்வதற்குப் பதிலாக, மலிவு விலையில் மாத தவணைகளை செலுத்துவதன் மூலம், மருத்துவக் காப்பீடு மருத்துவ சேவையை அணுகுவதற்கான பயணத்தை எளிதாக்குகிறது. பல காப்பீட்டு நிறுவனங்கள் மூத்த குடிமக்களுக்காக வடிவமைக்கப்பட்ட சுகாதாரக் கொள்கைகளை விரிவுப்படுத்துகின்றன. இந்தக் கொள்கைகளின் கீழ் வழங்கப்படும் நன்மைகள் குறித்த விவரங்களை தனிநபர்கள்  தெரிந்துகொள்ள, மாநிலத் திட்டக்குழுவில் துணைத் தலைவர் தலைமையில் ஒரு பயிலரங்கம் ஏற்பாடு செய்யப்பட்டது. காப்பீட்டுத் துறையைச் சேர்ந்த வளவாளர்கள் மற்றும் மூத்த குடிமக்களின் நலனுக்காக அர்ப்பணிக்கப்பட்ட நிறுவனங்களின் பிரதிநிதிகள் இந்தக் களத்தில் சேவைகளை மேம்படுத்துவதற்கான முக்கியமான நுண்ணறிவுகளைப் பகிர்ந்து கொண்டனர்.

அதிகமாகக் காணப்பட்டாலும், உலகின் இரண்டாவது பெரிய வயதான மக்கள்தொகையைக் கொண்ட இந்தியா போன்ற வளரும் நாடுகளில் இது இப்போது வேகமாகி வருகிறது. ஆயுட்காலம் நீடிப்பதால் மூப்படைவதால் நிகழும் செயல்பாட்டுக் குறைபாடுகள் அதிகரித்து, அன்றாடப் பணிகளை நிர்வகிப்பதற்கு உதவிக்கு ஆள் தேவைப்படும் நிலை உருவாகி, தற்சார்பு போய்விடுகிறது. தொழில்மயமாக்கல், நகரமயமாக்கல் மற்றும் கல்வி ஆகியவற்றால் ஏற்பட்ட சமூக மாற்றங்கள் வாழ்க்கை முறைகளை மாற்றியுள்ளன. கூட்டுக் குடும்பக் கட்டமைப்புகளின் சீர்குலைவு, தனிக்குடும்பங்கள் அதிகமாதல், நகர்ப்புறங்களுக்கும் வெளிநாடுகளுக்கும் பரவலான இடம்பெயர்வு ஆகியவை முதியோர்களின் பராமரிப்பில் சவால்களை முன்வைக்கின்றன. வறுமை மற்றும் தனிமை போன்ற காரணிகள் முதியோர் பராமரிப்பைச் சுற்றியுள்ள பிரச்சினைகளை அதிகப்படுத்துகின்றன, அவை  முதியவர்களை மேலும் பாதிப்படையச் செய்கின்றன. தற்போதைய சூழ்நிலையில், சமூக-பொருளாதார, நிதி, சுகாதாரம் மற்றும் வீட்டுவசதி அம்சங்களை உள்ளடக்கிய விரிவான முதியோர் பராமரிப்புக்கான அவசியமான தேவை உள்ளது. முதியோர் எண்ணிக்கையில் மேலும் அதிகரிக்க கூடும் என்பதை முன் அறிந்து, நோய் மற்றும் இயலாமை முதுமையின் உள்ளார்ந்த அம்சங்கள் என்பதை அங்கீகரிப்பது மிக அவசியம். முதியோர்களின் வளர்ந்து வரும் நலவாழ்வுத் தேவைகளை உகந்ததாகவும், விரிவாகவும் நிவர்த்தி செய்வதற்கு நமது நலவாழ்வு  அமைப்பு மாற்றியமைக்க வேண்டும். மூத்த குடிமக்கள், அவர்களின் பரந்த வாழ்க்கை அனுபவங்களுடன், சமூகத்திற்கு விலைமதிப்பற்றவர்கள், இளைய தலைமுறையினருக்கு பல்வேறு துறைகளில் உள்ள நுண்ணறிவுகளை வழங்குகிறார்கள். தங்கள் வாழ்க்கையை சேவைக்காக அர்ப்பணித்துள்ளதால், அவர்கள் பராமரிக்கப்படுவதற்கும் மதிப்புமிக்கவர்களாக உணரப்படுவதற்கும் தகுதியானவர்கள். இந்நிலையில், மாநில திட்டக்குழுவில் துணைத் தலைவர் தலைமையில் பயிலரங்கம் கூட்டப்பட்டது. மூத்த குடிமக்கள் மற்றும் முதியோர் நலனில் நிபுணத்துவம் பெற்ற வளவாளர்கள் தங்கள் அனுபவங்களைப் பகிர்ந்து கொண்டனர், மூத்த குடிமக்களுக்கான சேவைகளை கணிசமாக மேம்படுத்துவதற்கு அத்தியாவசிய நுண்ணறிவுகளை வழங்கினர்.

தொலைதூர இடங்கள் காரணமாக, பழங்குடி மக்கள் திறன் மேம்பாட்டில் கூடுதல் சவால்களை எதிர்கொள்கின்றனர், இதனால் பொது சேவைகளை வழங்குவது அரசுக்கு சவாலாக உள்ளது. பழங்குடியின இளைஞர்களிடையே திறன் மேம்பாடு இல்லாததால், அதிகாரமளித்தல் மற்றும் மனித மேம்பாட்டுக் குறியீட்டின் (HDI) சாதனைக்கு தடையாகிறது. கொள்கை பரிந்துரைகளில் திறன்-வளர்ச்சியின் மையத்தன்மையை அங்கீகரித்து, பழங்குடி இளைஞர்களுக்கான திறன் பயிற்சியை இணைப்பது பழங்குடி மேம்பாட்டுக் கொள்கைகளுக்கு முக்கியமான ஒன்றாகிறது. இந்த அணுகுமுறை புதிய திறன்களை வளர்ப்பதையும், ஏற்கனவே உள்ளவற்றை மேம்படுத்துவதையும் நோக்கமாகக் கொண்டுள்ளது. இந்த தேவையை நிவர்த்தி செய்ய, மாநில திட்டக்குழுவில் துணைத் தலைவர் தலைமையில் பயிலரங்கம் நடத்தப்பட்டது. பழங்குடியின இளைஞர் திறன் மேம்பாட்டில் நிபுணத்துவம் பெற்ற வளவாளர்கள் தங்கள் அனுபவங்களைப் பகிர்ந்துகொண்டு குறிப்பிடத்தக்க நுண்ணறிவுகளை வழங்கினர். திறன் மேம்பாட்டின் மூலம் பழங்குடியின இளைஞர்களை மேம்படுத்துவதற்கு அரசாங்கம் தனது முயற்சிகளில் கவனம் செலுத்த வேண்டிய குறிப்பிட்ட பகுதிகளை அவர்கள் அடையாளம் கண்டுள்ளனர். பழங்குடியின இளைஞர்களின் திறன்களை மேம்படுத்துவதன் இறுதி இலக்கு, அவர்களை வளர்ச்சிச் செயல்பாட்டில் அதிக உற்பத்திப் பங்களிப்பாளர்களாக மாற்றுவதும், சமூக ரீதியாக முன்னேறிய மக்கள்தொகையின் பிற பிரிவுகளுக்கு இணையாக அவர்களை முக்கியமானவர்களாக சமூகத்தில் ஒருங்கிணைப்பதும் ஆகும். பழங்குடியின இளைஞர்களின் திறன் மேம்பாட்டுப் பயணத்தில் திறன் பரிமாற்றத்திற்கான ஒரு வழிமுறையாக அனுபவங்களைப் பகிர்ந்துகொள்வது இன்றியமையாத அங்கமாகக் கருதப்படுகிறது.

வழங்குவதை நோக்கமாகக் கொண்டுள்ளன. இருப்பினும், தற்போதைய அமைப்பு பெரும்பாலும் சுதந்திரமான சிந்தனை, செயல் மற்றும் இயக்கத்தை வளர்தெடுப்பதில்லை.

குழந்தைகளை ஒரு வரையறுக்கப்பட்ட கண்காணிப்பில் பரமரிப்பது குழுந்தைகளின் சீரான வளர்ச்சியின் தடைகளைத் தீர்ப்பதற்கும், அத்தகைய இல்லங்களில் குழந்தைகளின் உளவியல் நல்வாழ்வை மேம்படுத்துவதற்கும், மிகவும் உள்ளடக்கிய மற்றும் நெகிழ்வான அணுகுமுறையை அறிமுகப்படுத்துவது கட்டாயமாகும். நிர்வாகத்தின் நேர்த்தியான அமைப்பு மற்றும் அதன் வழி நேர்மறை சிந்தனையை ஊக்குவிக்க வேண்டும். இந்த குழந்தைகளின் மறுவாழ்வுக்காக வடிவமைக்கப்பட்ட பாடத்திட்டம், எளிமையான அணுகுமுறை, சுற்றுச்சூழல் நிலைத்தன்மை மற்றும் ஆரோக்கியமான உடலில் ஆரோக்கியமான மனதை மேம்படுத்துதல் ஆகியவற்றிற்கு முன்னுரிமை அளிக்க வேண்டும். நெகிழ்வுத்தன்மை,  மற்றும் சமச்சீர் ஊட்டச்சத்து ஆகியவற்றை வலியுறுத்துவது மிகவும் முக்கியமானது. மேலும், இவ்வாய்வின் வழி, பரிந்துரைக்கப்பட்ட அணுகுமுறையை ஏற்றுக்கொள்வது, இந்த வீடுகளில் வசிக்கும் குழந்தைகளின் ஆரோக்கியமான வளர்ச்சி மற்றும் மனநிலையின் வளர்ச்சியை ஊக்குவிக்கும் திறனைக்

இந்த கட்டத்தின் முக்கியத்துவத்தை உணர்ந்து, மத்திய மற்றும் மாநில அரசுகள் குழந்தை முன் பருவ கல்வி மற்றும் மேம்பாட்டு தேவைகளைப் பூர்த்தி செய்ய பல்வேறு திட்டங்களை செயல்படுத்தியுள்ளன.

குழந்தைப் பருவத்தில், அரசாங்கத் தலையீடுகள் கல்வி, சுகாதாரம் மற்றும் ஊட்டச்சத்து உள்ளிட்ட சேவைகளின் விரிவான தொகுப்பை வழங்குவதில் கவனம் செலுத்துகின்றன. அங்கன்வாடி மையங்கள் மற்றும் பள்ளிகளுக்கு இடையே சரியான தொடர்பை ஏற்படுத்துவது தடையற்ற மாற்றத்தை உறுதி செய்ய அவசியமானது. ஒருங்கிணைந்த குழந்தைகள் மேம்பாட்டு சேவைகள் (ICDS) ஒரு முக்கிய திட்டமாக உள்ளது, இது ஊட்டச்சத்து, குழந்தை பருவ கல்வி, முன்பள்ளி பருவ பராமரிப்பு, சுகாதாரம், ஆதரவான சேவைகள் மற்றும் ஒருங்கிணைப்பு போன்ற சேவைகளுக்கு ஒரு ஒருங்கிணைந்த தளத்தை வழங்குகிறது. இந்த உலகளாவிய திட்டம் குழந்தைப் பருவக் கல்வியை சாதகமாக மாற்றியுள்ளது மேலும், அனைத்து வளர்ச்சித் தொகுதிகளிலும் உள்ள பாலூட்டும் தாய்மார்களின் ஆரோக்கியம் மற்றும் நல்வாழ்வை மேம்படுத்துவதற்கு பங்களித்துள்ளது.

ஐசிடிஎஸ்-க்கு கூடுதலாக, இந்திய அரசின் முதன்மைத் திட்டமான சர்வ சிக்ஷா அபியான் (எஸ்எஸ்ஏ) கல்வித் துறையில் குறிப்பிடத்தக்க முன்னேற்றம் கண்டுள்ளது. இடைநிற்றல் விகிதங்களைக் குறைத்தல் மற்றும் சேர்க்கை மற்றும் தக்கவைப்பு விகிதங்களை அதிகரிப்பதை நோக்கமாகக் கொண்டு, குழந்தைப் பருவக் கல்வியை வளர்ப்பதில் SSA முக்கிய பங்கு வகிக்கிறது. கல்வி கற்றலுக்கு அப்பால், குழந்தைகளிடம் நேர்மறையான மதிப்புகளை விதைப்பதிலும், அவர்களின் முழுமையான வளர்ச்சிக்கு பங்களிப்பதிலும் இந்த திட்டம் கவனம் செலுத்துகிறது.

பெரும் மருத்துவச் செலவுகள் ஆகியவற்றால் பொருளாதாரத்தில் உற்பத்தி இழப்பு ஏற்படக்கூடும். மேற்கூறிய கண்ணோட்டத்தில் இருந்து பார்த்தால், இரத்த சோகையினை சரியான முறையில் கண்டறிந்து, சிகிச்சையளிப்பதன் மூலமும், தடுப்பு நடவடிக்கைகளை மேற்கொள்வதன் மூலமும் அகற்றப்பட வேண்டும். பயிலரங்கில் கட்டுரைகளை சமர்ப்பித்தவர்கள் இரத்த சோகை தொடர்பான பல்வேறு அம்சங்களை வலியுறுத்தினர். இரத்த சோகை ஏற்படுவதற்கான காரணங்களையும், பிரச்சனையின் அளவையும், அதைச் சமாளிப்பதற்கான பரிந்துரைகளையும் அவர்கள் குறிப்பிட்டுள்ளனர். இரத்த சோகையினை ஆரம்ப நிலையிலேயே நாம் தடுத்து நிறுத்தாவிட்டால்,  மேம்பட்ட மனித வள உற்பத்தி, வாழ்க்கைத் தரம் மற்றும் மனித வள மூலதனத்தின் மகத்தான இழப்பு ஆகியவற்றின் அடிப்படையில் பொருளாதாரம் மற்றும் சமூகத்தின் உயிர்ச்சக்தியைக் குறைக்கும்.

இந்தக் கண்ணோட்டத்தில் பார்க்கும்போது, மனித வள மேம்பாடு அதிக அளவில் முக்கியத்துவத்துடன் ஒருங்கிணைக்கப்பட்டு மேம்படுத்தப்பட வேண்டும்.

ஆரோக்கியமான குழந்தைகள்  அவர்களின் உற்பத்தி பங்களிப்பு வயதின் வளர்ச்சி மற்றும் செயல்திறனிற்கு ஏற்ப குறிப்பிடத்தக்க பங்களிப்பை வழங்குகிறார்கள். தசைநார் சிதைவு கோளாறு என்பது குழந்தைகளின் உடல் குறைபாட்டை ஏற்படுத்தும் தீவீர மற்றும் பொதுவாக காணப்படும் நோய்களில் ஒன்றாகும். ஒரு குழந்தையின் வளர்ச்சியில் தடை ஏற்பட்டால்,   மனித வளங்களின் ஆற்றல் மற்றும் வீரியத்தின் நோக்கமே தோற்கடிக்கப்படும், மேலும் உழைப்பின் பங்களிப்புகள் ஒரு சிறிய விகிதத்தில் குறையும். இறுதியில், ஐந்தாண்டுத் திட்டத்தின் நோக்கங்களும் அதன் குறிக்கோள்களும்  நிறைவேறுவதில்லை.

தசைச் சிதைவு, மரபணுக் கோளாறால் ஏற்படுவதால், இந்தப் பிரச்சனையை ஒரு முழுமையான அணுகுமுறையுடன் சமாளிக்க அரசு மற்றும் அரசு சாரா நிறுவனங்கள் இணைந்து செயல்பட வேண்டும். இந்த தீராத நோய்க்கான நடைமுறை தீர்வு, தசைக் கோளாறால் பாதிக்கப்பட்ட குழந்தைகளைக் கண்டறியும் உத்தியில் உள்ளது. இதற்கான முனைப்பு குழந்தைகளின் சுகாதார நிலையை முழுமையாக படம்பிடிப்பதை உள்ளடக்கியது.

ஐந்தாண்டு திட்ட காலங்களில் நகர்ப்புற மற்றும் கிராமப்புறங்களில் நலவாழ்வு மையங்களையும் சுகாதார உள்கட்டமைப்பை மேம்படுத்துவதற்கு முன்னுரிமை அளித்துள்ளன. ஆரம்ப நிலை சுகாதாரத்தினை வழங்கும் பங்குதாரர்களாக தனியார் மற்றும் பொதுத் துறைகளின் ஈடுபாடு இருந்தாலும், அதிக பொறுப்புகள் மற்றும் அர்ப்பணிப்புகளுடன் சுகாதார சேவைகளை வழங்குவதில் மிகவும் குறிப்பிடத்தக்க பங்கை வகிக்க அரசு சாரா நிறுவனங்கள் மற்றும் பிற சமூகம் சார்ந்த குழுக்களை ஈடுபடுத்த ஒரு ஒருங்கிணைந்த முயற்சி அவசியமாக உள்ளது.

சுய உதவிக் குழுக்கள் (SHGs) மற்றும் அரசு சாரா நிறுவனங்கள் (NGOக்கள்) ஊட்டச்சத்து நிலையை மேம்படுத்துதல், ஒட்டுமொத்த ஆரோக்கியத்தை மேம்படுத்துதல் மற்றும் புற்றுநோய் போன்ற கொடிய நோய்களைத் தடுப்பதில் கவனம் செலுத்த ஊக்குவிக்கப்படுகின்றன. இந்த கருத்து பட்டறையில்  சுகாதாரப் பாதுகாப்பு வழங்குதல் மற்றும் ஊட்டச்சத்து நிலையை மேம்படுத்துதல் ஆகிய அம்சங்கள் குறித்தும் ஆராயப்பட்டது.